கலசபாக்கம் அடுத்த மிருகண்டா அணையில் இருந்து 50 கன அடி தண்ணீர் திறப்பு!

கலசபாக்கம் ஒன்றியம் ஜவ்வாதுமலை அடிவாரத்தில் உள்ள மேல் சோழங்குப்பம் கிராமத்தில் கட்டப்பட்டுள்ள மிருகண்ட அணையின் முழு கொள்ளளவு 23 அடியாகும்.

ஓரிரு நாட்களாக பெய்து வரும் தொடர்மழையின் காரணத்தால் மலைப்பகுதியில் இருந்து அதிகப்படியான தண்ணீர் அணைக்கு வந்து கொண்டிருப்பதால் அணையில் தண்ணீர் நிரம்பி வருகின்றன. இதையடுத்து அணையின் பாதுகாப்பு கருதி சுமார் 50 கன அடி தண்ணீர் இன்று காலை திறக்கப்பட்டுள்ளது.

இதனால் அணையின் அருகே உள்ள பல்வேறு கிராமங்களில் உள்ள ஏரிகளுக்கு தண்ணீர் சென்று நிரம்பி வருவதால் அப்பகுதி விவசாயிகள் மகிழ்ச்சி அடைந்துள்ளனர்.