திருவண்ணாமலை மாவட்டம் கலசப்பாக்கம் அடுத்த ஆதமங்கலம் புதூர் பகுதியில் உள்ள அரசு ஆண்கள் மேல்நிலைப் பள்ளியில் சம வயது உடைய வளர் இளம் பருவத்தினருக்கு விழிப்புணர்வு நிகழ்ச்சி நடைபெற்றது. இந்நிகழ்ச்சியில் டெங்கு விழிப்புணர்வு மற்றும் உடல் நலக்கல்வி அளித்தல், டெங்கு உறுதிமொழி எடுத்தல் போன்ற நிகழ்ச்சி நடைபெற்றது.

இந்நிகழ்ச்சியில் பள்ளி தலைமை ஆசிரியர் திரு.சீனிவாசன் தலைமையில் சுகாதார செவிலியர் திருமதி.தாமரைச்செல்வி, திருமதி.நித்தியா முன்னிலையில் சுகாதார ஆய்வாளர் திரு.சதானந்தம் பங்கேற்றார். மேலும் மருத்துவ பணியாளர்கள் மற்றும் பள்ளி உதவி இருபால் ஆசிரியர்களும் மாணவர்கள் பலர் கலந்து கொண்டனர்.