கலசபாக்கம் அடுத்த எலத்தூர் – மோட்டூர் ஸ்ரீ வள்ளி தேவசேனா சமேத ஸ்ரீ சுயம்பு சிவசுப்பிரமணிய சுவாமி திருக்கோயிலில் ஆடி மாத கிருத்திகை திருவிழா நேற்று (09.08.2023) வெகு விமரிசையாக நடைபெற்றது. இதில் நூற்றுக்கணக்கான பக்தர்கள் பால் காவடி, பன்னீர் காவடி எடுத்தும், அலகு குத்தியும் முருகப்பெருமானை வழிபட்டனர். மேலும், இரவு அலங்காரம் செய்யப்பட்டு மயில் வாகனத்தில் திருவீதி உலா வந்து பக்தர்களுக்கு காட்சியளித்தார்.